«Тоҷикагролизинг» корхонаҳоро бо техника таъмин мекунад

Душанбе, 30.01.2014. (АМИТ «Ховар», Ситора Раҷабова).- Корхонаи воҳиди давлатии ҷумҳуриявии «Тоҷикагролизинг» давоми соли 2013 бо корхонаҳои истеҳсолкунанда оид ба таҳвили техника ва таҷҳизоти кишоварзӣ зиёда аз 20 қарордод ба имзо расонид, — гуфт Саидмурод Хайриддинов, директори ин корхона 30 январ зимни нишасти матбуотӣ.
Ба иттилои ӯ дар ин давра аз корхонаи тракторбарории Минск 100 адад тарактор ба маблағи 2 миллиону 100 ҳазор доллари ИМА, аз корхонаи тракторбарории Тошкент 60 адад ядак (прицеп) ба маблағи беш аз 250 ҳазор доллари ИМА, аз корхонаи «Чирчиқселмаш» 40 адад култиватор ба маблағи 180 ҳазор доллари ИМА ва корхонаи «Автомаш-Радиатор»-и Қиғизистон 52 адад трактор ва 2 адад комбайни ғалладарав ба маблағи 121 ҳазор доллари ИМА ба ҷумҳурӣ ворид шуд.