Ҳуқуқи истеъмолкунандагонро кӣ ҳимоя мекунад?

Душанбе, 20.02.2014 (АМИТ «Ховар», Фарзонаи Давлат).- Дирӯз   сардори Хадамоти зиддиинҳисории назди Ҳукумати Ҷумҳурии Тоҷикистон бо иштироки намояндагони Агентии стандартизатсия, метрология, сертификатсия ва нозироти савдо, Хадамоти назорати давлатии фаъолияти фармасевтӣ, Хадамоти назорати давлатии байтории Вазорати кишоварзии Ҷумҳурии Тоҷикистон ва Иттифоқи истеъмолкунандагони Тоҷикистон омодагӣ ба таҷлили «15-март — Рўзи байналмилалии ҳимояи ҳуқуқи истеъмолкунандагон»-ро баррасӣ намуданд.
Тавре ки дар ин бора аз Хадамоти зиддиинҳисорӣ хабар доданд, дар ҷаласа ҳамчунин масъалаи иҷрои қарори Ҳукумат «Дар бораи Нақшаи чорабиниҳо оид ба татбиқи давраи дуюми (солҳои 2012-2015) «Стратегияи рушди иқтисодии Иттиҳоди Давлатҳои Мустақил дар соҳаи ҳимояи ҳуқуқи истеъмолкунандагон дар Тоҷикистон» мавриди муҳокима қарор дода шуд