Дастгоҳи раиси шаҳр ба мутахассисон ниёз дорад

 
Душанбе, 10.02.2014.(АМИТ “Ховар”, Марзия Саидова).-Шаҳрдории Душанбе барои ишғоли  мансабҳои холии маъмурии хизмати давлатӣ дар дастгоҳи раиси шаҳри Душанбе ва мақомоти иҷроияи маҳаллии ҳокимияти давлатӣ дар шаҳри Душанбе озмун эълон менамояд. Тибқи озмун дар дастгоҳи раиси шаҳр   мудири шуъбаи саноат ва энергетика, сармутахассисон дар шуъбаҳои рушди иҷтимоӣ ва робита бо ҷомеа,     ташкилӣ,     иқтисод, молия ва ояндабинӣ,        нақлиёт, нигоҳдории роҳ ва коммуникатсия,  шуъбаи коммуналию муҳандисӣ,      инчунин мутахассисони пешбар дар шуъбаи муҳосиботу хоҷагӣ ва шуъбаи сохтмон ва ободонӣ ба кор қабул карда мешаванд.
   Ҳамзамон мақомоти иҷроияи маҳаллии ҳокимияти давлатӣ дар шаҳри Душанбе  ба мудири шуъбаи Хадамоти зиддиинҳисорӣ,   мудири шуъба оид ба корҳои дин ва  мутахассиси шуъбаи меҳнат ва ҳифзи иҷтимоии аҳолӣ ниёз дорад. 
             Дар озмун ба довталабоне, ки дорои маълумоти олии касбии таҳсили рӯзонаанд, донишгоҳҳо ва донишкадаҳои кишварро то соли 1992 хатм намудаанд ва ё дар хориҷи ҷумҳурӣ соҳиби маълумоти олӣ гардида, аз рӯи ихтисос таҷрибаи кории роҳбарӣ доранд, афзалият дода мешавад.
   Озмун то 6 марти соли равон идома ёфта, натиҷааш на дертар аз 10 март ҷамъбаст мегардад.15.34.