Истеҳсоли 3511 тонна асал дар ҷумҳурӣ

Душанбе, 25.02.2014 (АМИТ “Ховар”, Зарангези Латиф).- Баҳри амалишавии “Барномаи рушди соҳаи занбӯриасалпарварӣ” аз ҳисоби буҷети ҷумҳурӣ 400 ҳазор сомонӣ ҷудо шуд, ки бо ин маблағ аз дохили ҷумҳурӣ 560 оилаи занбӯри асал бо ҳамаи асбобу анҷоми зарурӣ харид гардида, ба хоҷагиҳои ҷумҳурӣ дастрас шуд. Инчунин 150 адад модарзанбӯри зоти «карпатӣ» аз вилояти Краснодари Федератсияи Русия харид гардида, ба хоҷагиҳои ҷумҳурӣ дастрас шуд. 
Мувофиқи иттилои сомонаи расмии Вазорати кишоварзӣ дар соли сипаришуда  дар ҷумҳурӣ 3511 тонна асал истеҳсол шудааст, ки нисбат ба ҳамин давраи соли гузашта 227 тонна зиёд мебошад.