«Канал»-воситае зидди қочоқи маводи мухаддир

Душанбе, 25.02. 2014. (АМИТ «Ховар», Лутфия Эшонзода).-Дар Агентии назорати маводи нашъаовари  (АНМН) назди Президенти ҶТ ҷаласаи якуми гурӯҳи кории кормандони мақомоти ҳифзи ҳуқуқи Ҷумҳурии Тоҷикистон оид ба баррасии масъалаҳои гузаронидани чорабинии маҳаллӣ дар чорчӯбаи амалиёти “Канал” баргузор гардид.
Тавре ки ба АМИТ «Ховар» аз маркази матбуоти АНМН хабар доданд, дар кори ҷаласа намояндагони Шӯрои амният, вазоратҳои мудофиа ва корҳои дохилӣ, Кумитаи давлатии амнияти миллӣ, Сарраёсати Қӯшунҳои сарҳадии КДАМ ҶТ, Хадамоти гумрук, Агентии назорати маводи нашъаовари назди Президенти ҶТ, инчунин мушовири котиботи Созмони Аҳдномаи Амнияти Дастаҷамъӣ -муовини Котиби Шӯрои ҳамоҳангсозии муқовимат бар зидди муомилоти ғайриқонунии маводи нашъаовари Созмони Аҳдномаи Амнияти Дастаҷамъӣ, намояндаи Хадамоти Федератсияи Русия оид ба назорати маводи нашъаовар иштирок намуданд.
Дар ҷаласа масъалаҳои ташкилӣ оид ба тартиби гузаронидани амалиёт, ташкили гурӯҳҳои машқӣ-тамринӣ баррасӣ гардиданд.