Муаррифии «Таърихи халқи тоҷик» дар АИТ

 
Душанбе, 18.02.2014 (АМИТ «Ховар», Фарзонаи Давлат).- Пажӯҳишгоҳи таърих, бостоншиносӣ ва мардумшиносии ба номи Аҳмади Дониши Академияи илмҳои Тоҷикистон нашри асари «Таърихи халқи тоҷик»-ро дар шаш ҷилд бо забони русӣ зери назари академик Раҳим Масов ба анҷом расонид.
Бахшида ба ин дирӯз дар Академияи илмҳои Ҷумҳурии Тоҷикистон муаррифии китоби мазкур доир гардид, ки дар он олимону академикҳо ва таърихшиносони донишгоҳҳову донишкадаҳо иштирок доштанд.
Зимни суханронӣ Раҳим Масов, ки таҳти роҳбарии ӯ китоби мазкур аз чоп баромадааст, гуфт,  ҷилди шашуми китоб, ки солҳои 1944 ва 2010-умро дар бар мегирад, то охири сол бо забони англисӣ ба дасти хонандагони хориҷӣ хоҳад расид.
Ҳамчунин гуфта шуд, ки тарҷумаи китоби «Таърихи халқи тоҷик» дар шаш ҷилд аз забони русӣ ба забони тоҷикӣ низ дар назар дошта шудааст.