Мусодираи героину ҳашиш

   Душанбе, 25.02.2014. (АМИТ «Ховар», Лайло Тоирӣ).- Кормандони мақомоти корҳои дохилӣ ҳангоми  чорабиниҳои фаврӣ-ҷустуҷӯӣ бо гумони даст доштан дар гардиши ғайриқонунии маводи мухаддир шаҳрванд Зафарҷон Асадов, сокини ноҳияи Ҳисорро дастгир карданд. Ҳангоми кофтуков аз дохили борхалтаи ӯ 5 адад бастаи полиэтиленӣ, ки дар онҳо 4 килою 112 грамм маводи нашъадори ҳашиш буд, дарёфт ва мусодира  шуд. 
Ҳамчунин зимни як чорабинии фаврии дигар аз сокини ноҳияи Спитамен  Саттор Раҷабов  ҳангоми кофтукови шахсӣ 1  бастаи полиэтиленӣ, ки дар дохилаш  410 грамм маводи нашъадори героин дошт, дарёфт ва мусодира шуд.
Нисбат ба далелҳои мазкур парвандаи ҷиноӣ оғоз гардида, тафтиши пешакӣ идома дорад.