Нуқтаҳои бақайдгирии довталабон муайян гардид

Душанбе, 14.02.2014. (АМИТ «Ховар», Зарангези Латиф).-Бо фармони Нуриддин Саидов, вазири маориф ва илми Ҷумҳурии Тоҷикистон нуқтаҳои бақайдгирии довталабон барои иштирок дар имтиҳонҳои марказонидаи дохилшавӣ (ИМД) ба муассисаҳои таълимии таҳсилоти олии касбии Ҷумҳурии Тоҷикистон дар соли 2014 муайян гардида, рӯйхати онҳо тасдиқ шуд. Гуфта мешавад, ки тибқи фармоиши вазир дар маҷмӯъ 20 нуқтаи бақайдгирӣ дар 11 шаҳру ноҳияи кишвар, аз ҷумла, дар шаҳри Душанбе ва ноҳияҳои тобеи ҷумҳурӣ 7 нуқта, дар вилояти Суғд 6 нуқта, дар вилояти Хатлон 6 нуқта ва дар ВМКБ 1 нуқта барои сабти номи довталабони муассисаҳои таҳсилоти олии касбии ҷумҳурӣ муайян гардид.Мавриди зикр аст, ки 1-уми март давраи бақайдгирии довталабони муассисаҳои таҳсилоти олии кишвар оғоз шуда, то 15-уми апрели соли ҷорӣ идома меёбад.Дар ин бора Ситорабону Назарова, сухангӯи Маркази миллии тестӣ хабар дод.