Вазъи Қулма муътадил аст

Душанбе, 24.02.2014 (АМИТ «Ховар», Фарзонаи Давлат).- Хадамоти гумруки назди Ҳукумати Ҷумҳурии Тоҷикистон ҳаракати мошинҳоро дар дидбонгоҳи Қулма то 27-уми феврал муътадил эълон кардааст.Тавре ки дар ин бора аз маркази матбуоти хадамот хабар доданд, ба диққати соҳибкорон ва тоҷирони кишвар ва хориҷи кишвар расонида мешавад, ки дидбонгоҳи Қулма (самти Тоҷикистону Чин ва Чину Тоҷикистон) то 27-уми феврал мунтазам фаъолияташро ба роҳ мондааст ва соҳибкорон метавонанд бе мамониат саргарми тиҷорат шаванд.Ёдрас мешавем, ки ҳамасола дидбонгоҳи мазкур шуруъ аз даҳаи сеюми ноябр то даҳаи сеюми апрел бино ба сардиҳо ва боришоти барфи зиёд дар минтақа аз фаъолият боздошта мешавад.