Ёдбуди профессор Карим Абдулов

Душанбе, 27.02.2014. (АМИТ «Ховар»,Фарзона Достонзода).- Маҳфили илмиву адабӣ бахшида ба 75-солагии профессори марҳум Карим Абдулов тибқи Қарори раиси вилояти Суғд Абдураҳмон Қодирӣ 26 феврал дар Хуҷанд баргузор шуд. Зикр шуд, ки Карим Абдулов дар пешрафти  тамоми соҳаҳо, алалхусус сафарбар намудани духтарон ба мактабҳои олӣ дар замони Шӯравӣ  саҳми арзандаи хешро гузоштааст. 
Ҳамзамон дар маҳфил аз ҳаёту фаъолият ва асарҳои ҷовидонаи олими тоҷик Карим Абдулов ёдовар гаштанд.
Мавриди зикр аст, ки аз Карим Абдулов китобҳои публитсистии «Роҳи беҳбуд» (Роҳҳои пурпечутоби давраи гузариш), «Дар ин дунё» (иборат аз шаш ҷилд), «Сиёсатномаи асри ХХI», «Ягонагии сухан ва амал», «Абадзинда», «Лоиқи миллат», «Дарёниҳод», «Аловаддин Бобоев», «Бахти таърихӣ», «Асъори миллӣ» ба ёдгор мондаанд.