Ғаллазори Тоҷикистон беш аз 290 ҳазор гектарро ташкил медиҳад

Душанбе, 10.04.2014. (АМИТ «Ховар,  Екатерина  Пасторова). —  Мувофиқи  маълумоти  Вазорати  кишоварзии  ҶТ,  соли  ҷорӣ  барои  кишти  ғалла   беш  аз 290  ҳазор  гектар  замин  ҷудо  карда шудааст, ки  аз ҷумлаи  он  масоҳати   кишти  баҳорӣ  беш  аз  92  ҳазор  гектарро   ташкил  медиҳад.  Алҳол   дар   майдони 198  ҳазору  400  гектар  ғаллаи  тирамоҳӣ  кошта  шудааст, ки  назар  ба нишондодҳои  соли  гузашта  баробари  1  фоиз  зиёд  аст. 
«Тибқи  пешгӯӣ,  дар  хоҷагиҳои  ҷумҳурӣ  бояд  дар  масоҳати  92  ҳазору  126  гектар  кишти  баҳорӣ  сурат  гирад. То  охири  моҳи  март  дар  майдони  33  ҳазору 472  гектар  ғалла  кишт  шудааст, ки   36  фоизи  нақшаро  ташкил  медиҳад», —  хабар  медиҳад  манбаъ.