Иштироки муштзанони кишвар дар чемпионати ҷаҳон

Душанбе, 04.04.2014 (АМИТ «Ховар», Фарзонаи Давлат).- Аз 10-ум то 25-уми апрели соли равон дар шаҳри Софияи Буғористон чемпионати ҷаҳон байни ҷавонон оид ба бокс доир мегардад. Тавре ки дар ин бора Кумитаи ҷавонон,варзиш ва сайёҳӣ хабар медиҳад, дар мусобиқа, ки иштироки варзишгарони беш аз 20 кишвари ҷаҳон дар назар аст, Тоҷикистонро 3 варзишгар муаррифӣ мекунад.Гуфта мешавад, ки аъзои дастаи мунтахаби кишварро мураббиён Маҳмадҷон Сулаймонов ва Аббос Некматулоев барои ширкат дар ин чорабинӣ роҳбарӣ мекунанд.