Чорабинии варзишии оташнишонон

Душанбе, 27.05.2014. (АМИТ «Ховар, Мавҷуда Анварӣ). — Дар варзишгоҳи Раёсати Хадамоти давлатии оташнишонӣ дар шаҳри Душанбе мусобиқаи варзишии оташнишонӣ байни ҷузъу томҳои гарнизони Душанбе гузаронида шуд.
Мусобиқа байни дастаҳо аз рӯи намудҳои гуногуни варзишӣ, аз ҷумла эстафетаи оташнишонӣ, давидан ба масофаи 100 метр бо монеаҳояш, баромадан бо зинапояи муҳорибавӣ ба ошёнаи чорум  доир гардид.
Дар чорабинии варзишӣ ҷойи аввалро қисми 18-ум оид ба муҳофизати Корхонаи воҳиди давлатии «Ширкати алюминии тоҷик», ҷойҳои 2-юм ва сеюмро қисми 13-ум оид ба муҳофизати шаҳри Турсунзода ва қисми мустақили минтақавии Сарраёсати Хадамоти давлатии оташнишонӣ ишғол намуданд.