Пешгирии сӯйистеъмоли маводи нашъаовар

Душанбе, 20.06.2014. (АМИТ «Ховар», Зарангези Латиф).- Бо ташаббуси бахши ҷавонон, варзиш ва сайёҳии шаҳри Хуҷанд дар ҳамкорӣ бо Раёсати Агентии назорати маводи нашъаовари назди Президенти Ҷумҳурии Тоҷикистон дар вилояти Суғд дар мавзӯи «Пешгирии сӯйистеъмоли маводи нашъовар ва муқобилият бо гардиши ғайриқонунии он» семинари омӯзишӣ доир гардид, ки дар он  наздик ба 40 нафар ҷавони фаъоли шаҳри Хуҷанд иштирок намуд.
Дар семинар нозири калон оид ба супоришҳои махсуси Раёсати агентӣ Шӯҳрат Абдуллозода доир ба оқибатҳои тиббӣ-иҷтимоӣ ва ҳуқуқии нашъамандӣ, барномаи ҳукуматӣ оид ба пешгирии нашъамандӣ, роҳҳои пешигирии нашъамандӣ ва нашъаҷаллобӣ ва ташвиқи тарзи ҳаёти солим андешронӣ кард.
Лозим ба ёдоварист, ки ҳар сол 26-уми июн дар ҷаҳон ҳамчун Рӯзи байналмиллалии мубориза бо сӯйистеъмоли маводи нашъаовар ва муомилоти ғариқонунии он таҷлил  мешавад.