Ташрифи сафири Фаронса ба Саридораи геология

Душанбе, 15.07.2014. (АМИТ Ховар», Кристина Эрлих). — Сафири Фаронса дар Тоҷикистон Дидье Леруа ҳафтаи гузашта ба Саридораи геологияи назди Ҳукумати Ҷумҳурии Тоҷикистон ташриф овард. Дар ин бора аз Хадамоти матбуоти Саридораи геология ба АМИТ Ховар» иттилоъ доданд. Зимни мулоқот бо роҳбари раёсат масоили муносибатҳои дуҷониба, аз он ҷумла ҳамкории минбаъда бо Иттиҳодияи фаронсавии «AREVAMines» баррасӣ гардид.Роҳбари раёсат қайд намуд, ки Ҳукумати Ҷумҳурии Тоҷикистон қарор намудааст, лоиҳаи Ёддошт дар бораи ҳамдигарфаҳмӣ миёни Саридораи геологияи назди Ҳукумати Ҷумҳурии Тоҷикистон ва Иттиҳодияи фаронсавии «AREVAMines» -ро ба тасвиб расонад.