11 000 сомонӣ ҷарима барои нос
Душанбе, 15.08.2014. (АМИТ «Ховар», Мавҷуда Анварӣ).- 514 сокини шаҳру навоҳии минтақаи Кӯлоб дар нимаи аввали соли ҷорӣ барои кашидани носу сигор дар ҷойҳои ҷамъиятӣ муҷозот шудаанд. Абдулваҳҳоб Искандаров- муовини сардори раёсати ВКД дар вилояти Хатлон гуфт, ки тамокукашонро ба маблағи умумии 11 ҳазор сомонӣ ҷарима намуданд. Дар қаламрави минтақа дар ин давра наздики 54 ҳазор ҳолати қонуншикании маъмурӣ сабт шуда, маблағи аз ин ҳисоб ситонидашуда 1,2 миллион сомониро ташкил дод.