Қурбҳои миёнаи амалиёт тағйир наёфтанд

Душанбе, 14.08.2014.(АМИТ «Ховар», Раъно Нусратуллозода).-Дар нуқтаҳои мубодилаи асъори ҷумҳурӣ ҳафтаи равон қурби доллари ИМА андаке баланд шуда, ба ҳисоби миёна 5,0870-5,1090 сомониро ташкил дод.  Вале дар ин миён қурбҳои миёнаи амалиёт бо рубли русӣ ва евро бетағйир боқӣ монда, мувофиқан 0,1400-0,1410 сомонӣ ба як рубли русӣ ва 6,7530-6,7760 сомонӣ ба як евро баробар шуданд. 14 август қурби миёнаи доллари ИМА дар нуқтаҳои мубодилаи асъори шаҳри Душанбе 5,1000-5,1200 сомонӣ, шаҳри Хуҷанд 5,1100-5,1200 сомонӣ ва шаҳри Қӯрғонтеппа 5,1000-5,1200 сомониро ташкил намуд.