Ҷ. Расулов: Ифтитоҳи маркази омӯзиши дӯзандагӣ

Душанбе, 15.08.2014. (АМИТ Ховар, Ситораи Боймурод).- Дар ноҳияи Ҷаббор Расулов маркази дӯзандагии омӯзишӣ ва истеҳсолӣ ба фаъолият оғоз кард.Тавре ки аз дафтари матбуоти раиси вилояти Суғд иттилоъ доданд, ин марказ бо дастгирии намояндагии Кумитаи имдоди имом Хумайнӣ дар вилояти Суғд таъсис дода шуда, он ҳамчунин барои дӯхти либоси мактабӣ низ пешбинӣ мешавад ва дар он дар ду баст 35 нафар кор мекунад.Гуфта мешавад, ки дар ноҳия ҳамзамон бо дастгирии ин ниҳоди башардӯстона маркази қаннодӣ низ ба фаъолият оғоз кард, ки дар он 10 нафар ҷавон машғули омӯзишу кор аст.