Баррасии раванди муҳоҷират дар Шаҳритӯс

Душанбе, 15.08.2014. (АМИТ «Ховар», Лайло Тоирӣ).- Бо ташаббуси Хадамоти муҳоҷирати Вазорати меҳнат, муҳоҷират ва шуғли аҳолии Ҷумҳурии Тоҷикистон дар мақомоти иҷроияи ҳокимияти давлатии ноҳияи Шаҳритӯс бо иштироки роҳбарони маҳаллии соҳаҳои мухталифи хоҷагии халқи ноҳия 14 августи соли равон мулоқот доир гардид. Сардори Раёсати Хадамоти муҳоҷират дар вилояти Хатлон Маҳмуд Хоркашев дар бораи муҳоҷирати меҳнатӣ, мушкилиҳои асосии муҳоҷирони тоҷик дар Федератсияи Русия, донистани забон ва қонуну қоидаҳои муҳоҷират, бо чойҳои корӣ таъмин намудани шаҳрвандони Тоҷикистон дар хориҷи кишвар ва дигар паҳлўҳои он сухан гуфт. Бино ба иттилои сухангӯи Хадамоти муҳоҷират Абдуллои Қодирӣ, дар вохӯрӣ мудири шуъбаи сабти асноди холати шаҳрвандӣ, шуъбаи кор бо занон ва оила, ҳамчунин роҳбарони дигар бахшҳо, раисони ҷамоату шаҳрак низ иштирок доштанд ва андешаҳои худро оид ба танзими раванди муҳоҷирати меҳнатӣ, робита бо ҳамватанони бурунмарзӣ ва ҷалби онҳо дар рушди иқтисодиёти мамлакат, ихроҷ, ҳифзи ҳуқуқ ва манфиатҳои муҳоҷирон ва аъзои оилаи онҳо, гирифтани шаҳрвандӣ ва дигар паҳлўҳои муҳоҷират баён доштанд.