Дар Душанбе реҷаи шиносномавӣ ҷорӣ гардид

Душанбе, 15.08.2014. (АМИТ «Ховар», Екатерина Пасторова). – Мувофиқи маълумоти Раёсати Вазорати корҳои дохилӣ дар шаҳри Душанбе дар ҳошияи омодагии пойтахт ва доир намудани ҳамоиши СҲШ реҷаи шиносномаӣ ҷорӣ гардидааст. Мақсад аз ин чорабинӣ ошкор намудани ҳодисаҳои дар шаҳр хилофи қонун иқомат доштани шахсони гуногун ва танзими тартибот дар он аст. Маълум гардид, ки алҳол дар пойтахт 124 нафар бе қайди шиноснома зиндагӣ мекунад, ки нисбат ба онҳо санадҳои маъмурӣ тартиб ёфтаанд. Ғайр аз ин, 8 ҳодисаи худсарона азони худ кардани замин, як ҳодисаи хилофи қонун нигоҳ доштани милтиқи шикорӣ ва як ҳодисаи пинҳон намудани норинҷаки дастӣ ва 12 тир ошкор гардидааст.