Ду амалиёт дар роҳҳои Хатлон

Душанбе, 14.08.2014. (АМИТ «Ховар», Мурод Сотиев). – Бозрасии давлатии автомобилии вилояти Хатлон аз рӯи кор овардани амалиёти «Огоҳӣ» ва «Муоинаи техникӣ» дарак дод. Назар ба хабари нозири калони давлатии автомобилии гурӯҳи ташвиқу тарғиби Назорати давлатии автомобилии вилояти Хатлон Ёрмаҳмад Давлатов, чунин амалиёт ба манзури коҳиш додани ҳодисаҳои истифодаи таҷҳизоти махсуси садоӣ ва асбобҳои иловагии танвирии худсарона насбшуда рӯи кор оварда мешавад.Ба гуфтаи мусоҳиб, зарурати бақайдгирии шумораи воситаҳои нақлиётӣ, пардохти боҷи андози воситаҳои нақлиётӣ ва муоинаи ҳатмии техникӣ расидааст. Ин тадбирҳо аз 10 то 20 августи соли равон дар роҳҳои кишвар амалӣ мешаванд.