Идомаи сафари кории М. Ҷабборӣ дар вилояти Хатлон

Душанбе, 14.08.2014 (АМИТ «Ховар»).- Имрӯз сафари кории муовини Сарвазири мамлакат Марҳабо Ҷабборӣ дар ноҳияҳои Абдураҳмони Ҷомӣ ва Хуросони вилояти Хатлон ба анҷом расид.Дар ноҳияҳои болозикр Марҳабо Ҷабборӣ дар муассисаҳои иҷтимоӣ ва хоҷагиҳои деҳқонӣ мулоқотҳо доир намуд, ки зимни онҳо масъалаҳои зиёд мавриди баррасӣ қарор дода шуданд.Марҳабо Ҷабборӣ дар ноҳияи Абдураҳмони Ҷомӣ бо фаъолияти ҶДММ “Гулвар” аз наздик шинос гардида, аз ҳунару истеъдоди занону духтарони гилембоф изҳори қаноатмандӣ намуд.Махсусан, вохӯрие, ки ҳангоми ҷамъоварии ҳосил дар майдони токзорҳои хоҷагии деҳқонии “Асадулло”-и ҷамоати деҳоти Фахробод баргузор шуд, хело муфид ва хотирмон буд.