«Корвони китоб» дар Хуҷанд
Душанбе, 14.08.2014. (АМИТ «Ховар», Зарангези Латиф).-Имрӯз «Корвони китоб» ба шаҳри Хуҷанди вилояти Суғд равона гардид.Дар китобхонаи вилоятии ба номи Тошхуҷа Асирӣ маросими супоридани 12 ҳазору 496 адад китоби гуногун баргузор шуд.Ба иттилои директори китобхонаи мазкур Мунаввара Дамонова, китобҳое, ки ба маблағи 48 ҳазор сомонӣ харид шудаанд, ба таври ройгон ба китобхонаҳои шаҳру ноҳияҳои вилоят дастрас шуданд.Гуфта мешавад, ки дар ин чорабинӣ намояндагони Вазорати фарҳанги ҷумҳурӣ, маъмурияти вилоят, аҳли зиё, рӯзноманигорону сокинон ширкат доштанд.