Оғози мусобиқот барои Ҷоми Тоҷикистон оид ба футзал

Душанбе, 14.08.2014. (АМИТ «Ховар»). — 13 август дар шаҳри Хуҷанд мусобиқоти ниҳоӣ барои дарёфти Ҷоми Тоҷикистон оид ба футзал оғоз ёфтанд.Тавре ки аз Федератсияи футболи Тоҷикистон хабар доданд, барои дарёфти ин мукофоти фахрӣ 8 даста ҳунарнамоӣ мекунанд, ки онҳо ба ду гурӯҳ тақсим шудаанд. Гурӯҳи «А» иборат аз дастаҳои «Динамо» ва «Газпром» — и пойтахт, ҳамчунин дастаҳои « Эсхата» ва «Ал — Маъруф» -и Хуҷанд мебошанд. Ба гурӯҳи «Б» дастаҳои «Бонки миллӣ» ва «ДИСИ» — и пойтахт, ҳамчунин дастаҳои «Сипар» ва «Имон Интернешнл» шомиланд.Дар марҳалаи гурӯҳӣ, ки вохӯриҳо аз 13 то 15 август баргузор мегарданд, ҳар кадоми дастаҳо бо якдигар қувваозмоӣ намуда, ду дастаи ғолиб ба бозиҳои нимфиналӣ роҳхат пайдо мекунанд. Вохӯриҳои нимфиналӣ 17 август баргузор гардида, вохӯрии ниҳоӣ 18 август сурат мегирад.