Роҳҳои Хуҷанд мумфарш мешаванд

Хуҷанд, 15.08.2014. (АМИТ «Ховар», Абдуаҳад Шарифзода). – Дар шаҳри Хуҷанд корҳои мумфарш ва таъмиру навсозии роҳҳои марказию маҳаллӣ вусъат меёбанд. Ин корҳо ба манзури иҷрои қарори раиси вилояти Суғд дар мавриди ободонии роҳҳо иҷро мешаванд.То имрӯз корҳои зикршуда дар 20 кӯчаи марказии шаҳр анҷом ёфтаанд.Ҳоло корҳо барои қирпӯш намудани кӯчаҳои маҳаллаи Бофанда идома доранд.Чанде пеш раиси шаҳри Хуҷанд Раҷаббой Аҳмадзода бо ҷараёни ободонии маҳаллаи Бофанда шинос шуда, барои сари вақт ва хушсифат таъмир намудани кӯчаҳои он дастури дахлдор дод.Роҳбарияти шаҳр тасмим гирифтааст, ки имсол масофаи 116 километр роҳҳои шаҳри Хуҷанд қирпӯш карда шавад.