Таваҷҷуҳи тоҷирони ҳинд ба рушди ҳамкориҳои иқтисодӣ

Душанбе, 14.08.2014.(АМИТ «Ховар», Марзия Саидзода).- Тақвияти ҳамкориҳои иқтисодию тиҷоратии Тоҷикистону Ҳиндустон дар меҳвари мулоқоти Умед Давлатзод-муовини аввали вазири рушди иқтисод ва савдои Тоҷикистон бо Тарачанд Дугар- президенти Созмони истеҳсолкунандагони миллии умумиҳиндустонӣ, роҳбари ширкати «DUGAR» дар Душанбе матраҳ гардид.  Мусоҳибон масъалаҳои ба роҳ мондани ҳамкории самарабахш байни корхонаю ширкатҳои Тоҷикистону Ҳиндустонро дар соҳаҳои коркарди меваю сабзавот, нассоҷӣ, масолеҳи сохтмон, саноати дурусозӣ, технологияи муосир, туризм ҷалби сармоягузорони Ҳиндро ба иқтисоди Тоҷикистон баррасӣ намуда, пешниҳодҳои ҷолиб ироа намуданд. Аз Вазорати рушди иқтисод ва савдои кишвар ба АМИТ «Ховар» иттилоъ доданд, ки дар интиҳои мулоқот бобати тақвияти ҳамкориҳои иқтисодию тиҷоратии ду кишвар, ҷонибҳо азми қавӣ ва омодагии худро баён намуданд.