Боз як қадами «Хайр» барои дарёфти медали нуқра

Душанбе, 12.11.2014. (АМИТ «Ховар»).- Дастаи «Хайр» — и шаҳри Ваҳдат дар даври 17 — уми мусобиқоти Тоҷикистон оид ба футбол дастаи «Равшан» — и шаҳри Кӯлобро бо ҳисоби 2:1 мағлуб сохта, барои гирифтани медалҳои нуқра имконияти нав ба даст овард.Тавре ки аз Федератсияи футболи Тоҷикистон хабар доданд, 11 ноябр ду бозии даври 17 — уми мусобиқоти ҷумҳурӣ байни дастаҳои лигаи олӣ баргузор г ардид. Дастаи ССКА «Помир» ба дарвозаи дастаи «Вахш» — и шаҳри Қӯрғонтеппа 7 тӯб ворид намуд. Имрӯз, 12 ноябр, боз ду вохӯрии даври 17 — уми мусобиқот сурат мегирад. Дастаи «Хуҷанд» бо дастаи «Регар — ТадАЗ» — и шаҳри Турсунзода вохӯрда, дастаи «Истиқлол» бо клуби «Далерон» — и Истаравшан қувваозмоӣ менамояд. Қобили зикр аст, ки баъди анҷоми ин вохӯри маросими ба дастаи «Истиқлол» супурдани Ҷоми қаҳрамон барои пирӯзӣ дар мусобиқоти Тоҷикистон дар соли 2014 баргузор мешавад.