Ифтитоҳи мактаби ҳамагонӣ барои 640 хонанда

Душанбе, 12.11.2014 (АМИТ «Ховар», Бекназари Абӯбакр).-Президенти кишвар Эмомалӣ Раҳмон зимни сафари хеш дар ноҳияи Ёвон ба ҷамоати деҳоти ба номи Ҳасан Ҳусейнови ноҳия ташриф оварда, дар расми ифтитоҳи мактаби таҳсилоти миёнаи умумии рақами 11 ба номи А. Деҳотӣ иштирок намуд. Муассисаи таҳсилоти ҳамагонии мазкур барои 640 хонанда дар як баст ба маблағи 13, 5 млн сомонӣ сохта шудааст. Бинои мактаб бо таҷҳизоти замонавӣ таъмин буда, дар он хонандагони маҳаллаҳои Ҳасанӣ ва Дарагӣ таҳсил менамоянд.