Шумораи корталабон 6 фоиз зиёд шуд

Душанбе, 23.12.2014. (АМИТ «Ховар», Лайло Тоирӣ).-Дар охири моҳи октябри соли 2014 дар Агентии меҳнат ва шуғли аҳолӣ 84,7 ҳазор нафар корталаб дар қайд буд, ки нисбат ба ҳамин давраи соли 2013 -6,0 фоиз зиёд ва нисбат ба моҳи сентябри соли 2014 -0,1 фоиз кам шудааст. 
Дар моҳи октябри соли 2014 -4,3 ҳазор барои таъмини кор ба агентӣ муроҷиат намуда, аз ҷониби кормандони агентӣ ба қайд гирифта шуд, аз ин шумора 1,8 ҳазор бекор бо кор таъмин гардид, ки нисбат ба ҳамин давраи соли гузашта 16,8 фоиз кам шудааст. 
Шумораи ҷойҳои холии кор, ки корхона ба Агентии меҳнат ва шуғли аҳолӣ дар охири моҳи октябри соли 2014 пешниҳод кардааст,  нисбат ба  ҳамин давраи соли 2013 -3,0 фоиз кам шуда, 11, 7 ҳазор ҷойро ташкил дод. Нисбат ба моҳи сентябри соли 2014 шумораи ҷойҳои холи кори муроҷиаткардашуда 0,3 фоиз кам шудааст. Сарборӣ ба як ҷои кории арзшуда 7,2 нафарро ташкил дод.