Имзои созишномаҳо байни Тоҷикистон ва БОР
Душанбе, 28.01.2015 (АМИТ “Ховар”, Фарзонаи Давлат). Дар Вазорати молияи Ҷумҳурии Тоҷикистон маросими имзои созишномаҳо байни Ҷумҳурии Тоҷикистон, ШСХК “Барқи Тоҷик” ва Бонки Осиёгии Рушд (БОР) оид ба лоиҳаи “Пурзӯрнамоии ҳисобкунӣ ва рушди интиқоли қувваи барқ” ба имзо расонида шуд.
Тавре ки дар ин бора аз Вазорати молия хабар доданд, ҳадафи лоиҳа таъмини қувваи барқ ба аҳолӣ ва корхонаҳои саноатии Тоҷикистон тавассути кам намудани талафоти неру аз тариқи баҳисобгирии босифати интиқоли барқ ва инчунин густариш додани иқтидори интиқолии қувваи барқ дар шаҳри Панҷакент, ки аз қувваи барқ танқисӣ мекашанд, мебошад. Дар натиҷаи татбиқи лоиҳа талафоти неру ба воситаи насби тақрибан 1100 ҳисобкунаки барқӣ то соли 2025 1,5 дарсад кам гардида, норасоии иқтидори интиқоли қувваи барқ дар шаҳри Панҷакент аз байн бурда мешавад, яъне аз 67 мВа (МЕГАВАТ) ба 320 мВа оварда расонида мешавад.
Арзиши умумии лоиҳа — 67,00 млн. долл. ИМА, гранти Бонки Осиёии Рушд- 54,0 млн. доллари ИМА, ҳиссаи Ҷумҳурии Тоҷикистон — 13,00 млн. доллари ИМА-ро ташкил медиҳад.
Қисматҳои асосии лоиҳа-насби ҳисобкунакҳо, трансформаторҳо ва дигар таҷҳизоти алоқаманд, сохтмони 95 км хатти интиқоли барқ аз зеристгоҳи ноҳияи Рўдакӣ то ба зеристгоҳи ноҳияи Айнӣ бо иқтидори 320 мВа, таҷдиди зеристгоҳи ноҳияҳои Айнӣ ва Рўдакӣ мебошанд.
Гуфта мешавад, ки анҷоми лоиҳа соли 2019 дар назар дошта шудааст. Созишномаи грантиро вазири молияи Ҷумҳурии Тоҷикистон Абдусалом Қурбонов бо намояндаи Бонки Осиёии Рушд Си.Си.Ю. ва Созишномаи лоиҳавиро раиси ШСХК “Барқи Тоҷик” Рустам Раҳматзода бо намояндаи Бонки Осиёии Рушд Си. Си. Ю. ба имзо расониданд.
Имрӯз дар доманакӯҳҳои Тоҷикистон ҳаво то 36 дараҷа гарм мешавад
Имрӯз дар водиҳои Тоҷикистон ҳаво то 39 дараҷа гарм мешавад
Дар Филиали Донишгоҳи давлатии Москва дар шаҳри Душанбе ду маркази нави илмӣ ба фаъолият оғоз менамояд
Дар муассисаҳои таҳсилоти олии вилояти Ивановои Федератсияи Русия зиёда аз 600 шаҳрванди Тоҷикистон таҳсил менамоянд
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
Имрӯз дар Филиали Донишкадаи энергетикии Москва дар шаҳри Душанбе нишасти матбуотӣ доир мегардад
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
