Ғалабаи Х. Завурбеков дар мусобиқоти ҷаҳонӣ

Душанбе,20.04.2015 (АМИТ «Ховар» Лайло Тоирӣ).-  Гӯштигири тоҷик  Хушқадам  Завурбеков   дар  мусобиқоти байналмилалӣ аз рӯи гуштии тарзи панкратион дар  шаҳри  Владивосток   бар  варзишгари  шаҳри  Находка  Иля Зелик  ғолиб  омад.
Дар ин  мусобиқот  варзишгарони  Русия, Хорватия,  Нидерланд ва  Ҷопон  иштирок  доштанд.  Мусобиқот бо ибтикори  Федератсияи  гӯштии  тарзи  панкратиони  Шарқи  Дур  роҳандозӣ  шуда  буд.
Тавре,  ки  аз Созмони  минтақавии  ҷамъиятии  «Конгресси халқхои эронзабон» — и Нижний  Новгород  ба АМИТ «Ховар»  хабар  доданд,  Хушқадам  Завурбеков зодаи  Тоҷикистон  буда, 8 январи соли 1991  таваллуд  шудааст.  Мавсуф  ҷоизи Шарқи Дур  аз рӯи гӯштии  панкратион  ва қаҳрамони ҷаҳон  аз  рӯи мухорибаи  танбатан мебошад.