Ғалабаи «Хуҷанд» бар дастаи «Парвоз» дар Лигаи олӣ
Душанбе, 21.04.2015. (АМИТ «Ховар», Меҳрони Қурбон) — Бозиҳои даври дуюми мусобиқаи 24-уми қаҳрамонии футболи Тоҷикистон байни дастаҳои Лигаи олӣ рӯзи 18 апрел баргузор шуданд. Дастаи «Парвоз»-и Бобоҷон Ғафуров дар майдони худ аз дастаи «Хуҷанд»-и Хуҷанд бо ҳисоби 0-3 шикаст хӯрд. Голҳоро Иброҳим Рабимов, Аҳтам Ҳамроқулов ва Ҳасан Рустамов ба самар расониданд.
Бозии дастаи ССКА «Помир»-и Душанбе бо дастаи «Вахш»-и Қӯрғонтеппа дар майдони эҳтиётии Варзишгоҳи марказии пойтахт бо ҳисоби мусовии 0-0 ба анҷом расид.
Бояд тазаккур дод, ки бо сабаби зиёд шудани теъдоди дастаҳои ширкаткунандаи сабқати Лигаи олӣ, Лигаи миллии Тоҷикистон тасмим гирифт, ки мусобиқаи 24-уми қаҳрамонии кишвар бо ширкати даҳ даста дар ду давра гузаронида шавад. Дар арафаи мусобиқаи имсолаи қаҳрамонии кишвар масъалаи маблағгузории бошгоҳи футболи «Энергетик»-и Душанбе ҳал шуд. Ин даста, ки ширкаткунандаи даҳуми чемпионати Тоҷикистон-2015 мебошад, имсол «Барқи тоҷик» ном гирифт.
Лигаи миллии Тоҷикистон тақвими бозиҳои чемпионатро, ки аз се давра иборат буд, тағйир дод ва акнун дастаҳо дар ду давра бозӣ мекунанд.
Бояд зикр намуд, ки ҳар як даста имсол 18 бозӣ анҷом медиҳад.
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
