Ҷалби ҷавонон ба варзиш

 Роғун, 27.04.2015. (АМИТ «Ховар», Субҳониддини Маҳмуд).-Бо мақсади рушди соҳаи варзиш дар шаҳраки Роғун ва бедор намудани ҳисси ватандўстии ҷавонон чанде қабл бо ибтикори масъулини бахши ҷавонон, варзиш ва сайёҳӣ дар мактаби таҳсилоти умумии №3 мусобиқаи гӯштини миллӣ миёни хонандагон баргузор гардид. Дар мусобиқа хонандагон аз чанд муассисаи таълимӣ иштирок доштанд. Мусобиқаи мазкур тибқи талаботи низомнома сурат гирифта, варзишгарон дар вазнҳои гуногун байни ҳамдигар қувваозмоӣ намуданд. Ҳамин тариқ, мактаби таҳсилоти умумии №3 ҷои якум, мактаби таҳсилоти умумии №17 ҷои дуюм ва мактаби таҳсилоти умумии №4 ҷои сеюмро ишғол намуд ва ғолибон аз тарафи бахши ҷавонон, варзиш ва сайёҳии шаҳраки Роғун бо медалу ифтихорномаҳо қадрдонӣ гардиданд.