Ҷашни таъсиси қӯшунҳои мудофиаи зидди ҳавоӣ

Душанбе,17.04.2015. (АМИТ «Ховар», Мавҷуда Анварӣ).-Дирӯз дар қисми низомии 08941, воқеъ дар шаҳри Чкалов 20-солагии Рӯзи таъсиси қӯшунҳои мудофиаи зидди ҳавоии Ҷумҳурии Тоҷикистон мутантан ҷашн гирифта шуд.
Аз номи Мақомоти иҷроияи ҳокимияти давлатии шаҳр муовини раиси шаҳр Киромиддин Мухторов афсарону сарбозонро ба муносибати 20-солагии Рӯзи таъсиси қӯшунҳои мудофиаи зидди ҳавоии Ҷумҳурии Тоҷикистон табрик намуд. Номбурда зикр намуд, ки бо ҳидоятҳои ҳамешагии роҳбарияти кишвар ба масъалаи пурзӯр намудани иқтидори неруҳои Қувваҳои мусаллаҳи мамлакат таваҷҷуҳи хосса зоҳир гардида, афсарону сарбозон ва хизматчиён мунтазам бо имтиёзҳои назаррас фаро гирифта мешаванд.
Дар чорабинӣ роҳбарияти дигар қисмҳои низомии горнизони Суғд иштирок намуданд.
Барои болида гардидани руҳияи афсарону аскарон аз тарафи бахши фарҳанги Мақомоти иҷроияи ҳокимияти давлатии шаҳри Чкалов барномаи фарҳангӣ пешкаш гардида, дастурхони идона ороста шуд.