500 рӯзи меҳнати зарбдор ба истиқболи 25-солагии Истиқлолият

Хуҷанд, 16.04.2015. (АМИТ “Ховар”, Абдуаҳад Шарифзода).-Дар шимоли кишвар тибқи қарори раиси вилояти Суғд бахшида ба таҷлили 25-солагии Истиқлолияти  давлатии Ҷумҳурии Тоҷикистон, ки соли оянда ҷашн гирифта мешавад, дар қаламрави вилоят маъракаи 500 рӯзи меҳнати зарбдор эълон гардид. Тавре ки сомонаи расмии мақомоти вилоят иттилоъ медиҳад, мақсад аз ин қарор вусъат бахшидани корҳои созандагиву бунёдкорӣ ва рушди иқтисодию иҷтимоии вилоят мебошад. 
Вобаста ба ин ҳамаи воҳидҳои сохтории мақомоти иҷроияи ҳокимияти давлатии вилоят ва ҳамзамон мақомоти маҳаллии шаҳру ноҳияҳои вилоят муваззаф гардиданд, ки ҷиҳати татбиқи қарори мазкур нақшаи чорабиниҳоро таҳия ва амалӣ намуда, баҳри вусъати корҳои созандагию бунёдкорӣ, ороиши шаҳру ноҳияҳо ва татбиқи барномаҳои давлатӣ тадбирҳои зарурӣ андешанд.