А. Азизӣ ба Санкт-Петербург рафт

Душанбе, 14.04.2015.(АМИТ «Ховар», Марзия Саидзода).- 14 апрел ҳайати парлумонии Тоҷикистон таҳти сарварии Абдуҷаббор Азизӣ- муовини аввали раиси Маҷлиси намояндагон ба шаҳри Санкт-Петербурги Русия рафт Муҳаммадато Султонов -котиби матбуотии палатаи поёнии Парламони кишвар ба АМИТ «Ховар» иттилоъ дод, ки ҳайати парлумонии Тоҷикистон дар чорабиниҳои Ассамблеяи Байнипарлумонӣ /АБ/- ҷаласаи Бюрои АБ, ҷаласаи АБ Иттиҳоди Давлатҳои Мустақил /ИДМ/, комиссияҳои доимии АБ роҷеъ ба Созмони аҳдномаи амнияти дастаҷамъӣ /СААД/ ва комиссияҳои доимии АБ ИДМ оид ба масъалаҳои фарҳанг, иттилоот, захираҳои табиӣ ва экологӣ, сиёсати аграрӣ, сайёҳӣ ва варзиш иштирок менамоянд. АБ кишварҳои ИДМ дар давоми фаъолияти чандинсолааш собит кард, ки мавҷудияти ин ниҳод барои ҳамкориҳои самарабахши ИДМ зарур аст. Парлумони Тоҷикистон ҳамчун узви фаъоли ин Ассамблея барои танзими қонунҳо ва ҳамоҳангсозии қонунҳои давлатҳои аъзои ИДМ корҳои муҳим анҷом медиҳад.