Баланд бардоштани сатҳи некӯаҳолии мардум

Душанбе, 21.04.2015. (АМИТ  «Ховар», Лайло Тоирӣ).-Тадриҷан баланд бардоштани сатҳи зиндагии аҳолӣ  яке аз самтҳои асосӣ ва афзалиятноки сиёсати давлат ба ҳисоб рафта, Ҳукумати Ҷумҳурии Тоҷикистон дар ҳамкорӣ бо созмонҳои ҷамъиятиву байналмилалӣ сатҳи зиндагии мардумро омӯхта, ҷиҳати баланд бардоштани сатҳи некӯаҳолии мардум ва беҳтар гардонидани вазъи иқтисодии кишвар тадбирҳои дахлдор андешида истодаанд. Сатҳи камбизоатӣ  аз 81 фоизи соли 1999  то  ба 32,3  фоиз дар соли 2014 паст гардида, дар айни замон ба тамоюли мусбати умумидавлатӣ табдил ёфтааст.
Мутобиқи маълумоти расмии оморӣ ба ҳолати 1 феврали  соли 2015 музди меҳнати миёнаи номиналии кормандони ҷумҳурӣ 860,58 сомониро ташкил дода, нисбат ба ҳамин давраи соли гузашта 5,7 % афзудааст. Индекси нархҳои истеъмолӣ дар таносуб ба ҳамин давраи соли 2014 ба андозаи 7,2 % баланд гардид.