«Далерон- Ӯротеппа» — «Хайр»: сардовари бозӣ иваз шуд
Душанбе, 23.04.2015. (АМИТ “Ховар”, Рафоати Абдулҳамид).- Тавре ки Федератсияи футболи Тоҷикистон хабар додааст, сардовари бозии даври сеюми чемпионати Тоҷикистон миёни «Далерон-Ӯротеппа» — «Хайр» иваз шуд.
Бо сабаби андаке нотоб шудани Парвиз Муртазоев, ки қаблан аз ҷониби Кумитаи доварони Федератсияи футболи Тоҷикистон барои ҳакамӣ намудани бозии даври сеюми чемпионати Тоҷикистон байни «Далерон-Ӯротеппа» (Истаравшан») — «Хайр» (Ваҳдат) таъйин гардид, барои хизматрасонии ин вохӯрӣ Сайёдҷон Зайниддинови душанбегӣ таъйин шуд. Зайниддиновро дар канори майдон Хусрави Сиддиқзод ва Беҳрӯз Муртазоев, ки ҳар ду аз Душанбе ҳастанд, кумак мекунанд. Вазифаи довари эҳтиётиро Нозим Мансуров аз ноҳияи Бобоҷон Ғафуров ба зимма дорад. Нозири бозӣ Абдураҳим Бобоев аз Турсунзода мебошад.
Ёдрас мекунем, ки бозии даври сеюми чемпионати Тоҷикистон байни «Далерон-Ӯротеппа» — «Хайр» рӯзи 25- уми апрел дар Варзишгоҳи марказии шаҳри Истаравшан доир мешавад. Оғози бозӣ соати 16.00
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
