Дарёфти беш аз 14 кг маводи мухаддир
Душанбе, 29.04. 2015. (АМИТ «Ховар», Муқаддас Темурзода).- Имрӯз зимни гузаронидани чорабиниҳои фаврӣ-ҷустуҷӯӣ аз ҷониби кормандони милитсия дар ноҳияи Ҳамадонӣ марди 58-сола ва марди 28-сола, сокинони ноҳияи мазкур бо гумони даст доштан дар гардиши ғайриқонунии маводи мухаддир дастгир гардиданд.
Тибқи иттилои ВКД ҶТ, дар вақти кофтукови мошини тамғаи “ Mercedes-Benz ”, 12-кг 808-грамм маводи сахттаъсири героин дарёфт ва мусодира шуд.
Ҳамчунин дар ин рӯз зимни гузаронидани як амалиёти махсус аз ҷониби кормандони милитсия дар ноҳияи Спитамен шаҳрвандон: марди 32-сола ва марди 31-солаи сокинони ҳамин ноҳия дастгир шуданд, ки ҳангоми кофтукови шахсӣ аз онҳо 1 кг маводи нашъадори ҳашиш дарёфт ва мусодира гардид.
Зимни як чорабинии фаврии дигар сокини 20-солаи шаҳри Кӯлоб аз ҷониби кормандони милитсия ҳамчун гумонбар дар муомилоти ғайриқонунии маводи нашъадор дастгир шуд, ки дар вақти кофтукови хонаи истиқоматиаш 170 грамм маводи нашъадори героин ва 320 грамм маводи нашъадори бангдона дарёфт ва мусодира шуд.
Вазни умумии маводи мухаддири дарёфтгардида 14 кг 298 граммро ташкил медиҳад.
Нисбат ба далелҳои мазкур парвандаҳои ҷиноятӣ оғоз гардида, тафтиш идома дорад.
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
