Дастгирии ҷавонон ва занон

Душанбе, 10.04.2015.(АМИТ  «Ховар», Лайло Тоирӣ).-  Кумитаи кор бо занон ва оилаи назди Ҳукумати Ҷумҳурии Тоҷикистон ва Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон дар Донишкадаи давлатии санъати Тоҷикистон ба номи М. Турсунзода мулоқот бо роҳбарият ва донишҷӯёни ин донишкада баргузор намуданд.
Дар мулоқот атрофи масъалаҳои баланд бардоштани сатҳи худшиносию худогоҳӣ, ватандӯстию ватандорӣ, пешгирии гароиши ҷавонон ба ҳизбу ҳаракатҳои ифротгаро, бегонапарастӣ ва талқин ба либоспӯшӣ ва фарҳанги бегона суханрониҳо сурат гирифтанд.
Дар мулоқот зикр гардид, ки пайваста аз ҷониби роҳбарияти давлат ба масъалаи дастгирии ҷавонону занон таваҷҷуҳи махсус зоҳир мешавад. Аз ин рӯ мо ҷавонону занон вазифадор ҳастем, ки ин бовариро сазовор бошем.
Донишҷӯён низ ин суханҳоро бо хушнудӣ пазируфта, ваъда доданд, ки баҳри сазовор будан ба ин боварӣ кӯшиш хоҳанд кард.
Чунин вохӯриҳо дар дигар донишгоҳҳо низ гузаронида мешаванд.