Даъват ба фаъолияти софдилона

Душанбе, 29.04.2015.(АМИТ Ховар, Рафоати Абдулҳамид).- Имрӯз дар маҷлисгоҳи Раёсати маорифи вилояти Суғд бо иштироки роҳбарон ва сармуҳосибони муассисаю ташкилотҳое, ки фаъолияташон аз буҷаи соҳаи маорифи вилоят маблағгузорӣ мешавад, ҷаласа баргузор гардид.Тавре ки Хадамоти матбуоти раиси вилояти Суғд хабар додааст, дар он сардори раёсат О. Каримзода, сармуҳосиб С. Шарифова оид ба натиҷаҳои санҷиши аудиторие, ки аз ҷониби мутахассисони Палатаи ҳисоби Ҷумҳурии Тоҷикистон ҷиҳати ташаккул ва иҷрои буҷаи раёсати маорифи вилоят гузаронида шуд, сухан гуфтанд.Таъкид гардид, ки дар баъзе муассисаҳо риоя нагардидани интизоми молиявӣ, сари вақт пешниҳод нагардидани ҳисоботи молиявӣ ба мушоҳида мерасанд. Ба ҳозирин ҷиҳати риояи ҳатмии интизоми молиявӣ дастурҳои зарурӣ дода шуданд.Директорони коллеҷҳои омӯзгории шаҳрҳои Панҷакенту Конибодом С.Худоёрова, А.Турсунова, муовини директори мактаби варзишии маҳораташ олии вилоят З. Бобораҳимов доир ба масъалаи баррасишуда андешаҳояшонро баён доштанд.