Фестивали байналмилалии ҳунарҳои бадеии халқӣ -“Бозори ҳунар”
Душанбе,21.04.2015. (АМИТ «Ховар», Мавҷуда Анварӣ).- Рӯзҳои 24- 25 апрели соли 2015 Фестивали байналмилалии ҳунарҳои бадеии халқӣ -“Бозори ҳунар” дар шаҳри Кӯлоб баргузор мегардад.
Фестивал бо мақсади ҳифз ва рушди анъанаҳои хоси ҳунарҳои мардумӣ ва косибӣ, фароҳамсозии шароити мусоид барои табодули эҷодии ҳунармандон ва дар доираи эълон гардидани шаҳри Кӯлоб ҳамчун «Пойтахти фарҳангии Иттиҳоди Давлатҳои Мустақил дар соли 2015» гузаронида мешавад.
Дар фестивал маҳсулоти ҳунарҳои мардумӣ ва косибӣ, эҷодиёти ороишӣ-амалӣ ба маърази намоиш гузошта мешавад.
Фестивал рӯзи 24-уми апрели соли 2015 соати 9-00 дар майдони маҷмааи «2700- солагии шаҳри Кӯлоб » оғоз мегардад.
Дар доираи фестивал дар Донишгоҳи давлатии Кӯлоб ба номи А. Рӯдакӣ Конфронси илмӣ- амалӣ таҳти унвони «Мероси фарҳангӣ ва ҳунарҳои мардумии Кӯлоб: ҳифз ва эҳёи он» бо иштироки олимон ва коршиносон баргузор мегардад.
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
30 январ дар якчанд вазорату идораҳо нишастҳои матбуотӣ баргузор мегарданд
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
Дар Русия аз дақиқаҳои аввал дар алоқа бимонед!
Имрӯз дар Тоҷикистон бориши борон ва барф дар назар аст
Имрӯз дар Тоҷикистон ҳавои тағйирёбанда пешгӯӣ мешавад
