Гулгузорӣ ба муҷассамаи қаҳрамонони Тоҷикистон

   Душанбе, 24.04.2015.(АМИТ “Ховар”).- 21 апрел сафири Тоҷикистон дар Федератсияи  Русия  Имомуддин Сатторов дар қабристони Донскоеи шаҳри Маскав ба рӯи  қабри умумии қурбониёни таъқиботи сиёсӣ, ки қаҳрамонони Тоҷикистон, асосгузорони ҶШС Тоҷикистон Шириншоҳ Шоҳтемур ва Нусратулло Махсум дар он мадфун шудаанд, гулчанбар гузошт.
   Тавре ки Cафорати Тоҷикистон дар Русия хабар медиҳад, дар маросими гулгузорӣ ба пояи муҷассама кормандони масъули сафорати ҶТ дар ФР, ҳамчунин коргардони маъруфи кинои тоҷик Сафарбек Солеҳ, ки дар бораи қаҳрамонони зикршудаи Тоҷикистон филми мустанадро ба навор гирифтанист, ширкат доштанд.