Кумаки мақомот ба донишҷӯён

Рашт, 29.04.2015. (М. Ризвонов. АМИТ «Ховар»).-Мақомоти иҷроияи ҳокимияти давлатии ноҳияи Рашт тибқи нақшаи корӣ имсол низ дар пойтахти мамлакат-шаҳри Душанбе бо донишҷӯдухтароне, ки дар донишгоҳ ва донишкадаҳои олии кишвар аз тариқи квотаи президентӣ таҳсил менамоянд, вохӯрӣ ташкил намуд. Вохӯрӣ дар маҷлисгоҳи Иттифоқи нависандагони Тоҷикистон баргузор гардид. Дар вохӯрӣ раиси ноҳияи Рашт Лоиқзода Қаноатшо, мудири шуъбаи маорифи ноҳия Холмаҳмад Ортиқов, намояндаи Вазорати маорифи Ҷумҳурии Тоҷикистон, устодони мактабҳои олӣ иштирок карданд. Раиси ноҳияи Рашт Қаноатшо Лоиқзода дар вохӯрӣ оид ба масоили гуногуни рӯз бо онҳо суҳбат намуд. Мақомоти иҷроияи ҳокимияти давлатии ноҳияи Рашт барои 91 нафар духтарони донишҷӯ ба маблағи 100 сомонӣ кумаки яквақта расонид.