Курсии сухангӯи Убайдуллоев ҳанӯз холист?

        Душанбе, 23.04.2015.(АМИТ «Ховар», Марзия Саидзода).-Ҳанӯз шаҳрдори Душанбе дар мавриди  таъйини сухангӯяш амре судур накардааст. Дар ин  хусус аз шаҳрдории  Душанбе ба АМИТ «Ховар» иттилоъ доданд. Назар ба хабари бархе расонаҳои мустақили кишвар, ки дар хабарҳояшон навиштаанд, гӯё  Шаҳло Мӯсоева -собиқ мудири ТВ «Пойтахт» ба ҳайси сухангӯи раиси шаҳр таъйин шудааст, комилан саҳеҳ нест.  Корманди масъули шуъбаи кадрҳои дастгоҳи раиси  шаҳри Душанбе дар суҳбат ба хабарнигори «Ховар» гуфт, ки   Шаҳло Мӯсоева бо қарори раиси шаҳри Душанбе мудири шуъбаи рушди иҷтимоӣ ва робита бо ҷомеа таъйин гардид, ки ин вазифа бо вазифаи сухангӯи раиси шаҳр ягон иртибот надорад. 
  То 20 апрел Шавкат Саидов  ба ҳайси котиби матбуотии раиси шаҳри Душанбе фаъолият дошт. Мавсуф 20 апрел бо қарори раиси  шаҳри Душанбе ба  вазифаи директори ТВ «Пойтахт», ки муассисаш шаҳрдории Душанбест, таъйин гардид.