М. Убайдуллоев раиси ММ МО ҶТ интихоб шуд
Душанбе, 17.04.2015.(АМИТ «Ховар», Марзия Саидзода).- Бо ҷонибдории 32 нафар аъзои Маҷлиси миллӣ дар иҷлосияи нахустини палатаи болоии Парлумони кишвар, ки имрӯз бо иштироки Президенти ҷумҳурӣ Эмомалӣ Раҳмон доир гардид, Маҳмадсаид Убайдуллоев раиси Маҷлиси миллии Маҷлиси Олии Ҷумҳурии Тоҷикистон интихоб гардид. Ҳамин тариқ, М. Убайдуллоев дар зарфи панҷ соли оянда ҳамчун раис палатаи болоии Парлумони кишварро идора менамояд ва дар низоми давлатдории Тоҷикистон мансаби раиси Маҷлиси миллӣ баъд аз Президент дуюм эътироф мегардад.
Бояд тазаккур дод, ки иҷлосияи нахустини Маҷлиси миллиро нахустин Президенти Ҷумҳурии Тоҷикистон Қаҳҳор Маҳкамов, ки яке аз куҳансолтарин яъзои Маҷлиси миллӣ маҳсуб меёбад, оғоз намуда, номзадии Маҳмадсаид Убайдуллоевро ба мансаби раиси Маҷлиси миллӣ пешниҳод кард.
Дар иҷлосияи нахустини Маҷлиси миллӣ ҳамзамон дигар масъалаҳои ташкилӣ, аз қабили интихоби муовинони раиси Маҷлиси миллӣ, раисони кумитаҳо ва комиссияҳои палатаи болоии Парлумони кишвар матраҳ гардида, доир ба онҳо қарорҳои марбута қабул шуданд.
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
