Муҳокимаи лоиҳаи барқарорсозии низоми обтаъминкунӣ

Душанбе,17.04.2015 (АМИТ «Ховар»).-  15 апрел  дар Минтақаи озоди иқтисодии «Суғд»   лоиҳаи   барқарорсозии  низоми   обтаъминкунии  Минтақаи  озоди иқтисодии «Суғд» ва   маҳалҳои назди  он мавриди муҳокима  қарор гирифт.
Дар ин маросим  мушовири  Бонки рушди Осиё  Фаррух  Султонов,  мушовири  масоили  густариши  ҳамкории  давлатию  инфиродӣ,   намояндагони Ҷамъияти  масъулияташ  маҳдуди   «Хизматрасон — 2013»,  ки   ба обтаъминкунӣ  машғул аст, ширкат доштанд.
Зикр  шуд, ки бо  саъйу  кушиши давлат ва тоҷирон  дар  тадбиқи  лоиҳаҳои  калони миллӣ  метавон  муваффақ шуд. Барои ин  бояд  ба  манзури  рушди ҷомеа  ҳамкории  мутақобилан муфидро  роҳандозӣ кард.
Дар ҷараёни  мулоқот  ба мушовирон  дар  бораи  вазъи  ҳозираи  низоми  обтаъминкунӣ  дар  ҳудуди Минтақаи  озоди иқтисодӣ муфассал хабар  дода  шуд.