Муҳокимаи масоили ҷилавгирии хушунат дар оила

   Душанбе,23.04.2015 (АМИТ «Ховар»).-  «Хушунат дар  оила зуҳуроти ғайриқонунӣ буда,  дар  шаклҳои  мухталиф  зоҳир  мегардад. Хушунат, аз  ҷумла,  маънои  зӯроварии ҷисмонӣ, психологӣ, иқтисодӣ ва шаҳватпарастиро дорад», —  зикр  намуд  сардори  шӯъбаи  назорати  масоили  минтақавии Раёсати  таъмини  амнияти ҷамъиятии ВКД ҶТ  Талабшо  Меликов  дар  ҷараёни мизи мудаввар, ки  21 апрел дар шаҳри Душанбе  баргузор гардид. 
Назар ба хабари ВКД ҶТ, чорабинии мазкур бо ибтикори  ВКД пайваста  бо  ҳамкорӣ  бо Бунёди  ёрии  Институти ҷомеаи кушодаи  «Сорос» рӯи кор  омад.
Дар ҷараёни  мизи мудаввар  фаъолияти  мақомоти корҳои  дохилӣ  дар ҳошияи ҳамкорӣ бо муассисаҳои  ғайриидоравии низоми ҷилавгирии хушунат  дар  оила  мутобиқи  қонуни  Ҷумҳурии Тоҷикистон «Дар бораи ҷилагирии хушунат дар  оила» баррасӣ шуданд.
Директори  шӯъбаи  Институти  байналмилалии  ҷомеаи кушодаи «Сорос»  дар Тоҷикистон  Зӯҳра Ҳалимова зикр  намуд, ки  дар  ин  бахш  бояд корҳои зиёде анҷом дода шаванд.