Муҳокимаи вазъи амнияти Афғонистон

Душанбе, 27.04.2015. (АМИТ «Ховар»).- Рӯзи ҷумъаи  гузашта  дар  шаҳри  Душанбе  нишасти муҳокимавии ҳайати Иёлоти  Муттаҳидаи  Амрико  барои  намояндагони  расмии  Тоҷикистон  аз рӯи  вазъи амнияти  Афғонистон  баргузор  гардид. 
Тавре  ки ВКХ  ҶТ хабар  медиҳад,  ҳайати  Тоҷикистонро  дар  ин  чорабинӣ  вазири корҳои  хориҷии  Тоҷикистон  Сироҷиддин  Аслов ба  ӯҳда дошт. 
«Тоҷикистон  ҳамеша ҷонибдори  дастгирии  сулҳу  суботи  кишвари ҳамсоя  аст.  Мамлакати  мо  бо  дарназардошти  ин  дар чорабиниҳои мухталифи  байналмилалӣ  оид ба  Афғонистон  иштирок  намуда,  ба  татбиқи  лоиҳаҳои  муштараки  минтақавӣ  дар риштаҳои энергетика ва коммуникатсия, ки ба рушди иқтисодиёт  ва амнияти Афғонистону  минтақаи  Осиёи  Марказӣ  мусоидат  мекунанд, ҳисса  мегузорад». — гуфт  вазири  корҳои  хориҷии  Тоҷикистон. 
Қобили  зикр  аст, ки  ҳайати  ИМА  аз  соли  2011 инҷониб  барои кишварҳои Осиёи  Марказӣ  дар  мавзӯи  Афғонистон  нишастҳои  ммуҳокимавӣ  доир  менамояд,  ки  мақсад  аз  онҳо табодули  афкор  роҷеъ  ба раванди  пуштибонии  сулҳу  амнияти  Афғонистон  аст.