Мулоқоти Низомиддин Зоҳидӣ бо Робина Атҳар

Душанбе, 10.04.2015 (АМИТ «Ховар»).- 9 апрели соли 2015 муовини вазири корҳои хориҷӣ Низомиддин Зоҳидӣ муовини вазири тиҷорати Ҷумҳурии исломии Покистон Робина Атҳарро ба ҳузур пазируфт.
Дар мулоқот ҷонибҳо вазъи кунунӣ ва дурнамои муносибатҳои иқтисодӣ ва тиҷоратии ду кишварро мавриди табодули назар қарор дода, аҳамияти созишномаи сеҷонибаи транзитӣ байни Тоҷикистон, Афғонистон ва Покистонро, ки матни он алҳол дар Душанбе дар доираи ҷаласаи коршиносони се кишвар мавриди баррасӣ қарор гирифтааст, барои тақвияти тиҷорат дар минтақа таъкид карданд.
 
Ҷонибҳо манфиатдории худро ба истифодаи иқтидорҳои мавҷуда ҷиҳати афзоиши ҳаҷми табодули мол миёни ду кишвари дӯст баён карданд.